Një 56-vjeçar është arrestuar nga policia e Vorës pasi i janë gjetur armë e municion luftarak. Siç njofton policia shtetasit me iniciale A.S i janë gjetur në banesë një automatik dhe municion luftarak.
Materialet i kaluan Prokurorisë, për veprime të mëtejshme procedurale.
Njoftimi i policisë:
Vorë
Finalizohet, nga Komisariati i Policisë Vorë, operacioni policor i koduar “Marikaj”, për goditjen e veprimtarisë kriminale në fushën e armëmbajtjes pa leje.
Iu gjetën armë zjarri automatik dhe municion luftarak, në banesë, arrestohet në flagrancë 56-vjeçari.
Shërbimet e Komisariatit të Policisë Vorë, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara në rrugë operative, kanë organizuar punën dhe kanë finalizuar me sukses operacionin policor të koduar “Marikaj”.
Si rezultat i këtij operacioni, u bë arrestimi në flagrancë i shtetasit A. S., 56 vjeç, banues në Marikaj.
Gjatë kontrollit në banesën e 56-vjeçarit, shërbimet e Policisë gjetën dhe sekuestruan, në cilësinë e provës materiale, një armë zjarri automatik, një krehër dhe municion luftarak.
Materialet i kaluan Prokurorisë, për veprime të mëtejshme procedurale.
