Në aktivitetin përmbyllës të ‘Javës së Evropës’, të mbajtur në sheshin Skënderbej në kryeqytet paraditen e sotme, ambasadorët e vendeve të Bashkimit Evropian në Shqipëri kanë zgjedhur të lënë mënjanë protokollin diplomatik dhe të hedhin një valle popullore shqiptare.
Në krye të valles shihet ambasadori i BE-së Luigi Soreca, i cili gjendet përkrahë një vajze me veshje tradicionale shqiptare. Soreca duket se këto kohë në Shqipëri i ka shfrytëzuar dhe për të mësuar disa nga kërcimet tradicionale të vendit tonë, pasi mënyra se si ai hedh pogonishten është për tu vlerësuar.
Pas Sorecës, shihet ambasadorja e Suedisë Elsa Hastad, ambasadorja e Holandës Guusje Korthals Altes, si dhe ambasadori gjerman Peter Zingraf, të cilët po shijojnë një moment mjaft të bukur në vallen e mbajtur në sheshin Skënderbej.
“Javët e Evropës” është një aktivitet që u zhvillua nga përfaqësuesit e BE-së në Shqipëri me rastin e 9 Majit që cilësohet si dita e Evropës, ku u shënua fitorja përfundimtare mbi fashizmin dhe përfundi i Luftës së Dytë Botërore.
