Modelet nudo në ballkonin e hotelit në Dubai janë çështje kryesore diskutimi në Emiratet Arabe. 11 gra ukrainase janë arrestuar, i tha konsullata ukrainase BBC-së. Një rus u arrestua gjithashtu, sipas mediave ruse.
Sipas BBC, vajzat të cila ishin pjesë e një projekti modelingu, do të përballen me gjashtë muaj burg dhe një gjobë deri në 1,000 euro për imoralitet publik.
Ligjet e vendit ndalojnë pirjen e alkoolit në publik pa leje ose puthje publike dhe ndarjen e përmbajtjes pornografike. “Një sjellje e tillë e papranueshme”, tha policia, “nuk pasqyron vlerat dhe etikën e shoqërisë Emirate “.
Në fakt, Emiratet e Bashkuara Arabe kanë ligje të rrepta për shprehjen e lirë. Rastet e njerëzve të burgosur për komentet dhe videot e tyre në internet nuk janë të pazakonta, ndërsa kompanitë e mëdha shtetërore të telekomunikacionit bllokojnë qasjen në faqet e internetit pornografike.
