Osli Tafani është një shqiptar i cili ndodhet në burg pasi u kap në një shtëpi të shndërruar në fabrikë kanabisi. 38-vjeçari, i cili erdhi në Britani me një gomone, u detyrua të kujdesej për bimët e kanabisit në një shtëpi me në Burslem për të shlyer borxhin e tij prej 10,000 £ ndaj bandës që e transportonte.
Por ai u arrestua kur policia bastisi pronën në orën 18:00 më 12 dhjetor. Policia gjeti 120 bimë kanabis të rritur në një dhomë gjumi; 145 bimë kanabis të korrur në një dhomë tjetër gjumi dhe 150 fidanë në papafingo.
Dhe matësi i energjisë elektrike ishte çmontuar. Tafani është burgosur për 11 muaj në Stoke-on-Trent Crown Court.
Prokurori David Bennett tha se policia e gjeti Tafanin në papafingo të shtëpisë në Barber Street, Burslem, në orën 18:00 më 12 dhjetor. Bennett tha: Kur policia hyri në shtëpi, Tafani ishte fshehur në hapësirën e papafingo. Ai u ndalua dhe u arrestua.
“Ambjentet po përdoreshin për prodhimin e kanabisit dhe ishin përshtatur për këtë qëllim me sisteme ngrohjeje dhe ventilimi. Në një dhomë gjumi kishte 120 bimë kanabis të rritur, në një dhomë tjetër 145 bimë kanabis të korrur dhe në papafingo 150 fidanë. Matësi i energjisë elektrike ishte çmontuar. Hapësira po përdorej qartë për prodhimin komercial të kanabisit.”
Në intervistën e tij në polici, Tafani tha se mbërriti në Britani në gusht të vitit 2022, pasi kishte parë një video në rrjetet sociale që ofronte për të çuar shqiptarët në MB.
“Ai udhëtoi në Britaninë e Madhe për të punuar në industrinë e ndërtimit, mbërriti këtu me një gomone. I morën pasaportën dhe dokumentet e identitetit. Fillimisht ai u dërgua në një hotel në Londër,” tha Bennet
“Ai më pas u mblodh nga njerëz që e kërcënuan atë dhe familjen e tij. Atij iu tha se do të duhej të bënte punën që i dhanë ose do të vritej. Atij iu tha se 10,000 £ ishin paguar për kalimin e tij në MB iu tha se duhej të punonte për të shlyer borxhin. Tafani shkoi në Barber Street dhe nuk iu lejohej të largohej. Të gjitha gjërat në shtëpi ishin përgatitur, ai nuk kishte asnjë lidhje në ndërhyrjen në matësin e energjisë elektrike apo në mbjelljen e kanabisit. 38-vjeçari besonte se po vëzhgohej dhe nëse do të largohej dhe do të kontaktonte policinë do të vritej”.
Olsi Tafani u deklarua fajtor për prodhimin e një droge të klasit B.
Paul Cliff, tha se kishte një shkallë shfrytëzimi të përfshirë në këtë rast. Ai tha se Tafani nuk ka pasur dënime të mëparshme. Ai ka vuajtur ekuivalentin e një dënimi prej pesë muajsh në paraburgim dhe një mik i familjes ishte i gatshëm t’i ofronte një shtëpi në Tunstall pas lirimit të tij.
Cliff shtoi se dënimi mund të pezullohej dhe i kërkoi gjykatëses Sally Hancox të konsideronte një gjë të tillë. Por gjyqtarja tha se mbi Tafanin binte akuza që udhëtoi në mënyrë të jashtëligjshme në MB.
Gjykatësi Hancox ditën e gjyqit tha: Ju mbërritët në MB me një varkë të vogël. Ju u kujdesët për kanabis për rreth 10 ditë, kishit një çelës për pronën kur u arrestuat. Ju thatë se kishit frikë të largoheshit pasi besonit se do të lëndoheshit ose do të vriteshit nga njerëzit që ju kishin vendosur atje. Ju vepruat si kopshtar për rreth 10 ditë. Ju bëbë presion dhe u frikësuat nga ata individë. Një presion i tillë ju bëri të thyeni ligjin.”
Gjyqtarja lëshoi një urdhër privimi për kanabisin dhe pajisjet e kultivimit.
