Një aksident është shënuar sot në rrugën Librazhd-Qafë Thanë, ku një kamion ka dalë nga rruga.
Për pasojë ka mbetur i lënduar shtetasi A. S., 59 vjeç, i cili ndodhet në spital, në kujdesin e mjekëve.
“Rreth orës 12:00, në aksin rrugor “Librazhd-Qafë Thanë”, në fshatin Pishkash, shtetasi A. S., 59 vjeç, banues në Elbasan, duke drejtuar automjetin (kamion), ka humbur kontrollin dhe për pasojë automjeti ka dalë nga rruga.
Nga ky aksident është dëmtuar 59-vjeçari i cili ndodhet në spital, në kujdesin e mjekëve. Grupit hetimor po punon për përcaktimin e shkaqeve të këtij aksidenti.”, njofton policia.
