Njësia e Policisë Ekonomiko-Financiare të Guardia di Finanza e Barit sekuestroi rreth 1 ton kokainë të transportuar nga një anije tregtare e zbarkuar në portin e Savonës.
Nga hetimet e kryera rezulton se kemi të bëjmë me një organizatë kriminale, e cila dyshohet se operon në Italinë qendrore-jugore ndërsa janë arrestuar katër shqiptarë të cilët dyshohen si të përfshirë. Ndaj personave të panjohur u sekuestruan 741 pako kokainë, të ambalazhuara në 26 mbështjellës celofani, të fshehura me zgjuarsi në “karinat” e motorëve të varkës, me një peshë totale rreth një ton.
Operacioni është zhvilluar që më 2 janar, i cili bëri të mundur arrestimin e katër shqiptarëve dhe sekuestrimin e 3.5 kuintaleve kokainë.
Pas arrestimit të shqiptarëve, Guardia di Finanza kishte mësuar për mbërritjen në portin e Savonës të një ngarkese tjetër me lëndë narkotike në një anije tregtare me flamur të Hong Kongut, e cila u nis nga porti i Santos në Brazil më 30 dhjetor.
