Aktori i mirënjohur i humorit Koço Devole ndodhet në gjendje të rënduar në spitalin “Infektiv” në Tiranë si pasojë e infektimit nga Covid-19.
Burime bëjnë me dije që aktori i njohur, ndodhet në gjendje të rëndë shëndetësore në spitalin Infektiv, dhe se ai është shtuar përpara disa ditësh.
Siç mësohet, ditën e djeshme ai është kthyer në shtëpi.
Menjëherë më pas, gjendja shëndetësore është rënduar dhe është rikthyer në ambientet e spitalit Infektiv.
Sipas burimeve brenda spitalit, aktualisht ai është i intubuar dhe gjendja është rënduar orët e fundit.
Mjekët bëjnë me dije për ABC, që gjendja shëndetësore e aktorit, është komplikuar edhe si pasojë e leuçemisë, sëmundje nga e cila aktori vuan prej vitesh.
Ai jeton në Tiranë me djalin e tij, ndërkohë që bashkëshortja dhe vajza jetojnë në SHBA.
Vajza e Devoles ndodhet në Tiranë, ditët e fundit, për ti qëndruar pranë të atit pas infektimit me Koronavirus.
Koço Devole është një nga personalitet më të njohura të humorit shqiptar.
Përveçse është një aktor i shkëlqyer humori, Devole është karikaturist, skenarist, regjisor dhe prezantues spektaklesh.
Rolet e tij në skenë dhe ekran janë nga më të njohurit për publikun shqiptar.
