Viktor Cervanaku, ish-kryetari i Komunës së Frakullës, i arrestuar një ditë më parë për drogën e gjetur në oborrin e banesë së tij, aktualisht mësohet se punonte në OST.
Çervanaku është i punësuar në shtet dhe jeton në Tiranë. Ai është i punësuar te Operatori i Sistemit të Transmetimit (OST) dhe mban detyrën e drejtorit të administratës, me pagë mbi 2 milionë lekë në muaj.
Çervanaku u vu në pranga së bashku me të birin dhe të fejuarën e këtij të fundit, ndërsa droga u zbulua nga një aksion i mirëorganizuar nga SPAK, DEA dhe policia malazeze, pas një hetimi prej rreth 4 muajsh. Droga vinte nga
Kolumbia, ndërsa në Shqipëri ajo përpunohej me destinacion tregun europian.
Hetimi për këtë çështjes ka nisur më shumë se 3 muaj më parë, pas një sinjalizimi nga autoritetet e huaja.
Ngarkesa ka mbërritur nga Kolumbia në Tivar 4 muaj më parë dhe më pas është dërguar në Frakull.
Me ndihmën e partnerëve të huaj, si DEA amerikane, por ditën e djeshme dhe oficerët e policisë malazeze kanë zbritur në Shqipëri, teksa hetimi do të sqarojë nëse ky aktivitet ka qenë zhvilluar dhe më herët.
Ngarkesa ishte e pajisur me GPS. Prokuroria thotë se ka pasur biseda mes protagonistëve dhe personave të përfshirë në aktivitetin kriminal. Dyshohet se ka dhe persona zyrtarë të përfshirë.
