Gjykata kundër Korrupsionit dhe Krimit të Organizuar ka caktuar masën e ‘arrestit në shtëpi’ për Bujar Qyrkun, Julian Mehorin dhe Lavdosh Zerbajn, dy agjentët e AKU dhe agjentin doganor, të cilët u vunë në pranga pas kapjes së kontejnerit me 119 kg kokainë mes bananeve në Vaqarr.
Agjenti doganor Julian Merhori dhe inspektori i AKU-së Bujar Qurku, të cilët u arrestuan pak ditë më parë, mësohet se i kanë firmosur shkresat për ngarkesën në fjalë përpara se ajo të mbërrinte në Portin e Durrësit. Në shkresa tregohet se 20 tonë me banane kanë hyrë më 25 dhjetor, ndërsa për to është firmosur nga punonjësit e portit para se ngarkesa të mbërrinte në port.
Ndërkohë, janë sekuestruar te gjitha kamerat e sigurisë që ndodhen në portin e Durrësit dhe po bëhet kqyrja e tyra që nga dita kur aty ka mbërritur kontenieri. Ekzaminimi i tyre do hedhë më shumë dritë nëse arkat që
mungojnë janë marrë këtu apo në Itali.
Sasia e kokainës u kap në datë 30 dhjetor në kontenierin e një kompanie bananesh në Vaqarr. Ai kishte ardhur nga Ekuadori dhe kishte kaluar tranzit në Itali për te mbërritur pastaj në Durrës. Deri më tani në burg janë 3 persona, Marson Murataj, Gëzim Kalaja, Hasan Saliu.
Si ndodhi ngjarja?
Shoferi që shkoi për të marrë dërgesën e kontenierit me banane deklaroi se iu bë pritë në rrugën e vjetër nga 4 persona të armatosur teksa po shkonte drejt magazinës për të shkarkuar. Sipas tij ata kryen një kontroll për rreth 30 minuta ndërsa e kërcënuan dhe për këtë arsye nuk njoftoi policinë, por vuri në dijeni menaxherin e firmës, Marson Muratajn. Marson Murataj, 34 vjeç, banues në Tiranë, administrator i firmës “Bana-King” që importon fruta, kryesisht banane nga vendet e Amerikës Latine, Gëzim Kalaja dhe Hasan Saliu, shoferë të kompanisë në fjalë janë lënë në burg pas sekuestrimit të 119 kilogramëve kokainë në magazinat e biznesit. Për tre të arrestuarit pasi ka dyshime të forta se kjo kompani është e përfshirë në trafikimin e lëndës narkotike që ishte nisur nga Ekuadori bashkë me bananet.
