Kungulli është një nga perimet më të shëndetshme të stinës, i njohur ndryshe si ‘bomba e portokalltë’ për përfitimet e shumta që ofron për organizmin. I pasur me vitamina, minerale dhe fibra, ai ndihmon në përmirësimin e sistemit imunitar, shëndetin e syve dhe atë të zemrës.
Përfitimet kryesore të kungullit për shëndetin:
– Forcon sistemin imunitar – I pasur me vitaminën A dhe C, kungulli ndihmon trupin të luftojë infeksionet.
– Përmirëson shëndetin e syve – Beta-karoteni që gjendet te kungulli ndihmon në mbrojtjen e shikimit dhe ul rrezikun e sëmundjeve të syve.
– Mban zemrën të shëndetshme – Kaliumi dhe fibra ndihmojnë në uljen e presionit të gjakut dhe përmirësimin e funksionit kardiovaskular.
– Ndihmon në tretje dhe humbje peshe – Përmbajtja e lartë e fibrave lehtëson tretjen dhe siguron ndjenjën e ngopjes për më gjatë.
– Mbron lëkurën – Antioksidantët e tij ndihmojnë në luftimin e radikaleve të lira, duke parandaluar plakjen e parakohshme të lëkurës.
