Edhe në Elbasan besimtarët myslimanë kanë mbajtur mëngjesin e sotëm faljen me rastin e Kurban Bajramit.E cilësuar si një ndër festat më të rëndësishme të kalendarit islam, bashkë me Fiter Bajramin edhe këtë herë falja e Kurban Bajramit është kryer në sheshin “Gensher”,i cili u mbush nga qindra qytetarë.
Ceremonisë së faljes i parapriu me fjalën e tij Myftiu Agim Duka i cili foli për simbolikën e kësaj dite dhe mesazhin që përcjellë.
Besimtarët në shesh përcollën urime për këtë ditë të shenjtë ndërsa folën dhe për simbolikën e saj atë të bërjes kurban. Një besimtar mysliman pohuan ata kursen më herët vetëm për ta festuar siç duhet këtë ditë.
Kurban Bajrami sipas traditës islame, nderon gatishmërinë e Ibrahimit të flijoj djalin e tij si vepër e nënshtrimit ndaj urdhërit të Zotit.Mishi nga kafsha e flijuar ndahet në tre pjesë. Familja mban një pjese; pjesa tjetër jepet për të afërmit, shokët dhe fqinjët; ndërsa pjesa e mbetur i ndahet të varfërve dhe nevojtarëve.
Infoweb Media ju sjell disa foto nga falja e Namazit!
Entela Duka/ Infoweb Media!