LAJM U FUNDIT/ Tentuan të vidhnin me armë një banesë, 3 persona në pranga në Sukth

0

Në kuadër të operacionit policor të koduar “Rrethinat”, u arrestuan në flagrancë 3 nga autorët e dyshuar si dhe u shpallen në kërkim dy të tjerë. Sekuestrohet një armë zjarri kallashnikov dhe fishekë luftarak.

Zbardhen dhe 8 vjedhje të tjera që dyshohet se janë kryer nga ky grup kriminal, që ushtronin veprimtari kriminale në fushën e vjedhjes së pronës.

4 nga pjestarët e grupit, të dënuar më parë për vjedhje e armëmbajtje pa leje. Shërbimet e Komisariatit të Policisë Durrës, gjatë mbrëmjes së djeshme, pas një telefonate të marrë nga një banor në Katund Sukth se disa persona nën kërcënimin e armës po tentonin ti vidhnin banesën, kanë vlerësuar telefonatën dhe falë reagimit në kohë dhe me profesionalizëm, në kuadër të operaciont policor të koduar “Rrethinat”, kanë bërë të mundur kapjen në flagrancë të shtetasve :

L. P., 21 vjeç, banues ne Katund Sukth, i dënuar më parë për armembajtje pa leje;

A. K., 20 vjeç, banues në lagjen Kodra, Shijak, i dënuar më parë për vjedhje;

D. C., 24 vjeç, banues në Fermë, Sukth, i dënuar më parë për vjedhje.

Si dhe u shpallën në kërkim pasi mundën të largoheshin duke përfituar dhe nga errësira shtetasit:

P. P., 27 vjeç, banues në Katund, Sukth, i dënuar më parë për vjedhje dhe A. P., 20 vjeçe, banuese në lagjen nr.13, Durrës (vëlla e motër).

Këta shtetas ne bashkepunim me njëri- tjetrin, rreth orës 20:00 të mbrëmjes së djeshme, në fshatin Katund, Sukth, kanë tentuar të vjedhin me armë zjarri në banesën e shtetasit B.M.

Gjatë operacionit shërbimet e Policisë sekuestruan në cilësinë e provës materiale një armë zjarri kallashnikov dhe fishek luftarakë.

Nga veprimet e para hetimore të kryera, dyshohet se këta shtetas janë autorë edhe të 8 vjedhjeve të tjera të ndodhura më parë dhe konkretisht:

1-Më datë 17.06.2021, shtetasit K.B., në oborrin e banesës i kanë vjedhur motomjetin;

2-Më datë 12.07.2021, gjatë natës, në lagjen ‘’Stalla’’Sukth, kanë vjedhur në banesën e shtetases B. T., 3 televizorë plazma dhe dy frigoriferë;

3-Më datë 06.08.2021, kanë tentuar të vjedhin në banesën e shtetasit Sh. K.,;

4-Më datë 18.08.2021, gjatë natës, në banesën e shtetasit M. L., kanë vjedhur sende të ndryshme;

5-Më datë 08.09.2021, gjatë natës, në Sukth, në banesën e shtetasit L. D., kanë vjedhur disa telefona celularë;

6-Më datë 18.09.2021, në Sukth, i kanë vjedhur telefonin celuar shtetases Sh. L.;

7-Më datë 01.10.2021, në lagjen Nr.17, Durrës, kanë vjedhur në Qendrën Shëndetësore, pompën e ujit dhe sende të tjera;

8-Më datë 03.10.2021, në Katund i Ri, Durrës, në banesën e shtetasit S. R., kanë vjedhur sende me vlerë bizhuteri dhe 1 televizor.

Vijon puna për kapjen e dy personave të shpallur në kërkim. Materialet në ngarkim të shtetasve të mësipërm i kaluan per veprime të mëtejshme Prokurorise Prane Gjykates Shkallës Parë Durrës, për veprat penale “Vjedhja me armë, e mbetur në tentativë” dhe “Vjedhja” e kryer në bashkëpunim”.

LEAVE A REPLY

Please enter your comment!
Please enter your name here