Nga Neki Feta, Dibër
Aksident në Bulqizë, plagosen dy persona.
Ngjarja ka ndodhur në aksin që lidh rrugën rurale Smollik me rrugën e Arbërit.
Një makinë ka dalë jashtë rruge dhe ka përfunduar në greminë.
Për pasojë janë plagosur drejtuesi i mjetit dhe pasagjeri.
Gazetari i Infoweb Media, Neki Feta, raportoi se ata janë Jeton Tola 44 vjeç dhe Orgito Tola 18 vjeç.
Në vendin e ngjarjes ka shkuar policia dhe autoambulanca që ka transportuar të lënduarit për në spital.
Bulqizë/ informacion paraprak
Rreth orës 17.30, në fshatin Smollik, Bulqizë, shtetasi J.T., 44 vjeç, duke drejtuar automjetin tip “Benz”, ka humbur kontrollin mbi automjet dhe ka dalë nga rruga. Si pasojë është lenduar drejtuesi i mjetit dhe pasagjeri shtetasi O.T., 18 vjeç, të cilët po marrin ndihmë mjekësore në spital dhe ndodhen jashtë rrezikut për jetën.
Grupi hetimor po kryen hetimet në vendngjarje për zbardhjen e shkaqeve të aksidentit.
Infoweb Media
