Deputeti i Partisë Demokratike, Tritan Shehu, ka shprehur shqetësimin e tij në një postim në Facebook lidhur me një pyetësor të publikuar nga Prezenca e OSBE në Shqipëri, i cili ka për qëllim të vlerësojë pjesëmarrjen gjinore në Kuvend
Shehu e konsideron të papërshtatshëm që në një moment politik kaq delikat, OSBE të shpërndajë një pyetësor që kërkon përcaktimin e seksit. Ai thekson se kjo praktikë është jo vetëm e pavend, por gjithashtu e provokative dhe në kundërshtim me ligjin, veçanërisht për shkak të opsioneve të ofruara për përgjigje: “femër; mashkull dhe të tjera”.
Deputeti ka refuzuar të plotësojë këtë pyetësor, duke e quajtur atë një shkelje të parimeve të barazisë dhe respektit për identitetin gjinor. Kjo deklaratë e Shehut ka ngjallur debate mbi rolin e OSBE në çështjet e ndjeshme sociale dhe politike në Shqipëri.
