Ish-deputetja e Australisë, Julia Banks, ka akuzuar një ministër me pretendimin se ai e ka ngacmuar seksualisht. Në një deklaratë Banks u shpreh se ngjarja ka ndodhur në vitin 2017 kur ajo ishte deputete.
Sipas saj një ministër i kabinetit qeveritar që është aktualisht në detyrë, e kishte prekur me duart tek këmbët gjatë një seance plenare.
Ish-deputetja ka treguar detaje dhe thotë se ngjarja ka ndodhur kur parlamentit i është dashur që të zhvillojë një seancë në orët e vona të mbrëmjes.
“Ministri erdhi dhe u ul pranë meje dhe vuri dorën e tij mbi gjurin tim dhe më pas u ngjit ngadalë më lartë dhe prekur kofshën time në pjesën e brendshme“, tha Banks.
Lidhur me këto pretendime ka reaguar dhe zyra e Kryeministrit, ku në një deklaratë thuhet se nuk kanë qenë në dijeni të kësaj ngjarje më parë, por kanë thënë se të tilla sjellje janë të papranueshme.
