Ministria e Arsimit dhe Sportit reagon pas publikimit të tezës së testit të Gjuhës dhe Letërsisë: Nuk e cënon procesin!

0

Publikimi i tezës së Gjuhës Shqipe dhe Letërsisë, reagon Ministria: Nuk cënon aspak procesin dhe mbarëvajtjen e provimit

Vetëm 30 minuta pas nisjes së provimit u publikua teza e Letërsisë dhe Gjuhës Shqipe, pas kësaj ka reaguar Ministria e Arsimit dhe Sportit. Në reagim thuhet se publikimi i tezës nuk cënon procesin e provimit të Maturës Shtetërore.

Gjithashtu në reagim thuhet se të 28 mijë maturantët vazhdojnë të qetë zhvillimin e provimit në përputhje me rregullat. Sipas Ministrisë për këtë proces janë ndërmarrë të gjitha masat e nevojshme për të garantuar mbarëvajtjen e provimit.

Reagimi i plotë:

Ministria e Arsimit dhe Sportit siguron se publikimi i tezës së provimit të maturës të Gjuhës Shqipe dhe Letërsi, pas nisjes së provimit, nuk cenon aspak procesin dhe mbarëvajtjen e provimit të Marurës Shtetërore.

Rreth 28 mijë maturantë, në 144 qendrat e provimeve në mbarë vendin vazhdojnë të zhvillojnë provimin e tyre në mënyrë të qetë dhe në përputhje me të gjitha standardet e sigurisë të përcaktuara në rregulloren e Maturës Shtetërore.

MAS dhe institucionet arsimore mbeten të angazhuar për të siguruar një proces transparent dhe të drejtë për të gjithë maturantët, duke u kujdesur që çdo shqetësim i opinionit publik të trajtohet me seriozitetin e duhur.

Në të njëjtën kohë, Ministria thekson se institucionet arsimore kanë ndërmarrë të gjitha masat e nevojshme për të garantuar mbarëvajtjen e procesit të provimit dhe për të ruajtur integritetin e tij.

Suksese të gjithë maturantëve! Falënderime çdo mësuesi, administratori dhe monitoruesi të angazhuar në këtë proces të rëndësishëm të provimeve të Maturës Shtetërore.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu