Ministrja e Shëndetësisë, Ogerta Manastirliu ka deklaruar ditën e sotme se 95% e të shtruarve në spital për Covid-19 janë të pavaksinuar.
Këtë deklaratë Manastirliu e bëri teksa vizitonte spitalin COVID-4 në aksin Tiranë-Durrës, i cili ka një kapacitet prej 103 shtretërish dhe është gati të presë pacintë.
Këtë e ka bërë të ditur Ministrja e Shëndetësisë, Ogerta Manastirliu e cila ka inspektuar këtë të premte, përgatitjet e fundit të bërë në këtë strukturë spitalore.
“Po bëhen përgatitjet e fundit për ta pasur në dispozicion spitalin COVID 4 krahas dy spitaleve të tjera aktuale. Kemi më shumë se 270 shtretër në COVID 2 dhe COVID 3 ndërsa këtu janë mbi 103 shtretër dhe ka të gjitha pajisjet. Kjo është salla e terapisë intensive për pacientët që kanë nevojë për trajtim më të specializuar ndërkohë në katet e tjera janë shtretërit që janë të pajisur tashmë me oksigjen. Kjo është sfidë për QSUT-në pasi të menaxhosh jashtë territorit është e vështirë.
Futja në forcë e 150 punonjësve të rinj, lehtëson punën për t’u bërë më me efikasitet. Kapacitetet tona deri më sot i përballojnë pacientët aktualë, ndërkohë janë 95% e të shtruarve janë të pavaksinuar. Rastet në spitale që janë të vaksinuar me të dyja dozat, virusi nuk është agresiv. Duhet që të vijojmë në këto ritme të organizimit edhe përsa i përket mjekëve tanë. Qytetarët janë shumë herë më të relaksuar për shkak të vaksinës. Ne si shëndetësi jemi të përgatitur për çdo skenar”, tha Manastirliu.
