Reshjet e dendura të shiut kanë sjellë dëme të shumta.
Bëhet me dije se reshjet që kanë përfshirë qytetin e Elbasanit kanë dëmtuar edhe teatrin “Skampa”.
Në fotot e mëposhtme shihet se në rrugë pranë tetarit është vendosur një shirit që paralajmëron qytetarët të mos kalojnë pranë.
Mësohet se është dëmtuar pjesa ku mbahet gardëroba e aktorëve, dhe se reshjet kanë shkaktuar shembje në godinë.
Teatri “Skampa” (apo ish-kinema “Nacional”) është ndërtuar në vitin 1935 me financimin e Xhavit Biçakçiut si dhuratë e tij për qytetin e Elbasanit.
U realizua nga arkitekti Halit Narazani dhe përfaqëson objektin më të rëndësishëm me funksion kulturor në qytetin e Elbasanit. Ka një kapacitet prej 292 vendesh.
