KINË- Një orë dore dikur në pronësi të perandorit të fundit të Kinës, Aisin-Gioro Puyi, është shitur për 5.1 milionë dollarë në një ankand në Hong Kong.
‘Patek Philippe Reference 96 Quantieme Lune’, një orë e rrallë dhe besohet se në botë janë vetëm 8 lloje si kjo orë. Por sipas shtëpisë së ankandeve Phillips e cila trajtoi shitjen, shuma me shtatë shifra i përket historisë së jashtëzakonshme të orës 86-vjeçare, ajo që u dërgua në Siberi gjatë burgimit pesë-vjeçar të ish-sundimtarit në BRSS.
Ora prej platini me diametër 1,2 inç përmban një numërues me numra arabë, akrepa të artë rozë dhe një funksion “faza e hënës” që tregon se sa e dukshme është hëna nga Toka në çdo kohë të caktuar. Disa nga mekanizmat e tij të brendshëm datojnë në vitin 1929, megjithëse modeli nuk u shit nga Patek Philippe – një orëpunues zviceran i njohur për vendosjen e lëvizjeve të ndërlikuara në kuti të holla – deri në vitin 1937.
Nuk dihet se si Puyi e bleu orën, megjithëse të dhënat tregojnë se fillimisht ishte shitur përmes një dyqani luksoz në Paris. Phillips shtoi se dokumentet historike vërtetojnë se ish-perandori e mori me vete në një kamp burgu sovjetik në Khabarovsk. Ai më vonë ia dhuroi Georgy Permyakovit, një folës rrjedhshëm Mandarin, i cili shërbeu si mësues i tij dhe përkthyes rusisht gjatë kohës që ishte në paraburgim.
Puyi, jeta e të cilit formoi bazën e filmit fitues të Oskarit të vitit 1987 “Perandori i fundit”, u ngjit në fron si një fëmijë i vogël në vitin 1908. Ai u detyrua të abdikonte më pak se katër vjet më vonë kur një revoltë republikane përmbysi dinastinë Qing. Atij iu lejua të vazhdonte të jetonte në pallatin perandorak në Pekin (dhe u rivendos shkurtimisht si perandor në 1917).
Përshtatur nga CNN.
