Fondi Monetar Ndërkombëtar ka publikuar vlerësimin e vitit 2021 për Republikën e Kosovës në një raport të detajuar ku është përfshirë edhe shkalla zyrtare e papunësisë në vend.
Sipas këtyre të dhënave të FMN-së papunësia në Kosovë për vitin 2021 është 25.8, që krahasuar me vitin 2020 ka shënuar rënie për 0.2 %.
Megjithatë situatë pak më e mirë me nivelin e papunësisë krahasuar me vitin 2021, ka qenë në vitin 2019. Në vitin 2019 shkalla zyrtare e papunësisë ka qenë 25.7 %.
Ndërkohë nga viti 2018 kur papunësia kishte qenë 29.5 %, në vitin 2019 kishte shënuar rënie prej gati 4%.
Nga viti 2017 deri në vitin 2019 kryeministër i vendit kishte qenë Ramush Haradinaj. Haradinaj dha dorëheqjen më 19 korrik të vitit 2019.
Pas dorëheqjes, Haradinaj ishte kryeministër në detyrë deri në organizimin e zgjedhjeve të 6 tetorit 2019.
Albin Kurti pas zgjedhjeve të 14 shkurtit 2021 është duke qeverisur me Qeverinë e Republikës së Kosovës për herë të dytë.
