Ngacmoi seksualisht vajzën me aftësi të kufizuara, gjykata i del kundra prokurorisë, lë në burg 61 vjeçarin

0

Gjykata në Lezhë i ka dalë kundër prokurorit duke dërguar pas hekurave një 61 vjecar të akuzuar për ngacmim seksual të të miturve. Gjykatësi Ilir Perdedaj nuk ka pranuar kërkesën e prokurorit Erion Shehaj, sipas të cilit nuk kishte asnjë element të veprës penale për të akuzuarin Vasel Nilaj duke e çliruar nga të gjitha akuzat.

Gjyqtari Perdeda e dënoi atë me 4 vite burg, pasi gjatë gjykimit është konkluduar se ka elementë të veprës penale për të cilën i pandehuri ishte akuzuar dhe sipas gjykatës është provuar kryerja e veprës penale. Vasel Nilaj u arrestua në janar të vitit 2020, pasi dyshohej se kishte abuzuar seksualisht me një vajzë te mitur me aftësi të kufizuar. Pak muaj pas arrestimit, nga akti i ekspertimit mjeko-ligjor rezultoi se 61 vjeçari nuk kishte abuzuar seksualisht dhe gjykata vendosi që të hetohet në gjendje të lirë.

Në përfundim të hetimeve prokuroria e dërgoi çështjen për pushim, por gjykata e urdhëroi atë që ndaj 61-vjeçarit të ngrihej akuzë për veprën penale “Ngacmim seksual” dhe çështja kaloi për gjykim. Referuar raportit të policisë që është paraqitur në prokurori, 61-vjeçari e kishte ngacmuar vajzën e mitur tek shkolla në fshatin Kolsh të Lezhës. Sapo ishte konstatuar rasti, drejtuesit e shkollës ku ishte e mitura me aftësi ndryshe, kanë njoftuar policinë.

Blutë identifikuan Vasel Nilaj si personin që qëndronte në pritje të të miturës, ndërsa ka deklaruar fillimisht para tyre se vajzën e ka mbesë, por realisht nuk ka lidhje me nxënësen. Denoncimi për rastin u bë dhe nga familjaret e të miturës dhe menjëherë u be edhe arrestimi i tij. Në momentin e ndalimit ai u kap, duke drejtuar mjetin në gjendje të dehur dhe aktualisht ndodhet në burg, pasi është kapur sërish duke drejtuar mjetin në gjendje të dehur.

LEAVE A REPLY

Please enter your comment!
Please enter your name here