Ky që shihni në këto pamje është Elton Poci 35 vjeç nga Librazhdi. Një aksident automobilistik rreth 4 vite më parë do ti shkaktonte pasoja të rënda shëndetësore duke bërë qe sot ai të jetë i lidhur me aparaturën e dializës për të jetuar. Eltoni tregon se si pasojë e aksidentit të rëndë ka humbur shpretkën dhe tashmë, veshkat i ka jashtë funksionit.
Ai thotë se është ende i ri dhe ka dëshirë të punojë dhe jetojë normalisht por në këtë gjendje e ka të pamundur.
Për të jetuar normalisht atij i nevojitet një transplant veshkash por me gjendjen e tij ekonomike e ka të pamundur të përballojë koston e operacionit.
Ai lutet për ndihmë nga kushdo që mundet ta ndihmojë sadopak.
