Partneri i Dua Lipës mbështet publikisht presidenten e Kosovës

0

Pa zgjedhje të parakohshme, Vjosa Osmani u shpall Presidente e Kosovës për një mandat 5-vjeçar, pasi mori 71 vota nga votimi ku morën pjesë 82 deputetë.

Shpallja e Osmanit Presidente u duartrokit fort nga shqiptarët e Kosovës e Shqipërisë dhe Presidentja e re mori mbështetjen e madhe të figurave të njohura publike.

Këngëtarja shqiptare me famë botërore, Dua Lipa, uroi me fjalët më të bukura Vjosa Osmanin në rrjete sociale, për ta parë e gjithë bota.

“Urime Madamë Presidente.

Sa e mrekullueshme të shikosh një femër në majë”, ka shkruar Dua duke i uruar Vjosa Osmanit postin e rëndësishëm.

Partneri i Duas, Anwar Hadid, ka treguar edhe njëherë se është partneri perfekt që e mbështet Duan kudo dhe e dashuron Kosovën po aq sa këngëtarja.

Në llogarinë e tij në Instagram, ai ndarë një postim të Osmanit në detyrën e re, ku shkruhet: “Kosova ka zgjedhur avokaten 38-vjeçare si Presidenten e re”, që ta shohin të gjithë ndjekësit e tij.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu