PD Elbasan reagon sërish në lidhje me projektin e rikonstruksionit të bashkisë Elbasan.
Duke e nisur me slloganin “Çdo Partia, bën bashkia”, Sekretari i PD Blendi Himçi ka lëshuar akuza të forta ndaj PS që mbron me çdo kusht këtë projekt. Ai e ka cilësuar gënjeshtër deklaratën e bashkisë se ky projekt është miratuar që në kohën e kryeministrit Sali Berisha.
Himçi deklaroi se në 29.12. 2016 në pikën 6 theksohet hyrja në fuqi e vendimit të qeverisë Rama që shfuqizon vendimet e mëparshme të qeverisë Berisha për planin rregullues dhe qendrën e qytetit të Elbasanit.
Bërja publike e vendimeve të vjetra për rregullimin e territorit sipas tij janë mashtrime.
Gjithashtu ai ka hedhur poshtë faktin se ky projekt është miratuar nga këshilltarët e djathtë. “Akuzohemi se këshilltarët e djathtë kanë miratuar këto vendime. Këshilli bashkiak nuk miraton vendime të KRRT ai ka miratuar vetëm nismën për hartimin e planit të përgjithshëm vendor”, deklaroi Himçi.
Himçi ka denoncuar me prova pozicionin ku projekti përfshin ndërtimin e kullave të bashkisë.
Ai i është drejtuar sërish kryebashkiakut Gledian Llatja duke i thënë se ka shkelur rëndë ligjin.
Gjithashtu ai i ka kërkuar që të sqarojë se përse ka detyruar përgjegjësen e sektorit të urbanistikës të japë dorëheqjen vetëm pse nuk firmosën këto dokumenta.
Ja deklarata e Himçit:
