SHQIPËRI- Shqipëria është gati të luajë ndeshjen vendimtare për të arritur në playoff të kualifikueseve për Kupën e Botës Katar 2022. Në “Air Albania”, në orën 20.45, kuqezinjtë do të sfidojnë Poloninë e Lewndowskit që ka një pikë më pak, por na ka mposhtur 4-1 në Varshavë. Në stadium do të jenë 20 mijë tifozë të pranishëm, ndërsa nuk do të mungojnë as tifozët polakë.
Kur na ndan vetëm pak konë nga nisja e sfidës, të dy tifozeritë janë përplasur me njëra-tjetrën. Para presidencës një grup tifozësh shqiptarë janë sharë dhe ofendur me disa polakë që ishin të pranishëm.
Është dashur ndërhyrja e policisë për të shpërndarë turmat që situata të mos agravonte më shumë dhe që mos të kishte përplasje fizike mes tifozerive.