Policia e Vlorës ka arrestuar ditën e sotme shtetasit Serdjan Barjamaj, 34 vjeç, dhe Besmir Zotaj, 33 vjeç, të cilët u kapën në flagrancë teksa po kultivonin disa fidanë kanabis në zonën e pyllit të ‘Ujit të ftohtë’, në Vlorë.
Ka qenë monitorimi me dron ai i cili ka nxjerr zbuluar aktivitetin kriminal të dy të rinjëve dhe më pas kanë qenë forcat operacionale ato të cilat kanë bërë arrestimin e tyre.
Materialet në ngarkim të tyre u referuannë prokurorinë e Vlorës, për veprime të mëtejshme hetimore.
Njoftimi i plotë i policisë: Vlorë
Vijojnë kontrollet me dron, për evidentimin dhe goditjen e tentativës për kultivim të bimëve narkotike.
Si rezultat i këtyre kontrolleve me dron, në një terren të thepisur dhe të pyllëzuar në zonën e “Ujit të Ftohtë”, Vlorë, është goditur një rast i tentativës për kultivim të bimëve narkotike.
Arrestohen në flagrancë 2 shtetas.
Gjatë mbajtjes nën vëzhgim me dron nga shërbimet e Policisë është organizuar puna për kapjen e dy shtetasve, të cilët bazuar dhe në pamjet filmike të dronit, ishin duke kultivuar fidanë të dyshuar kanabis. Menjëherë është ndërhyrë nga forcat e Policisë, duke bërë të mundur kapjen dhe prangosjen e shtetasve S. B., 34 vjeç dhe B. Z., 33 vjeç, të dy banues në Vlorë.
Këta shtetas, në bashkëpunim me njeri-tjetrin, kanë kultivuar fidanë kanabis në një sipërfaqe të pyllëzuar në zonën e “Ujit të Ftohtë”, Vlorë.
Gjithashtu, gjatë kontrollit në banesën e shtetasit S. B., shërbimet e Policisë gjetën të kultivuara në kubikë fidanë të dyshuar cannabis sativa.
Materialet u referuan Prokurorisë, për veprime të mëtejshme.
