Policia Elbasan jep informacin për 50-vjeçarin e gjetur të vdekur në këtë qytet. Sipas policisë dyshohet se i ndjeri Rasim Sinani të ketë ndërruar jetë nga ataku kardiak.
50-vjeçari Sinani kishte disa plagë në kokë, që duket se i janë shkaktuar nga rrëzimi i menjëhershëm në rrugë, pas arrestit kardiak, e megjtihatë hetimet për ngjarjen vijojnë ende.
Ja komunikata paraprake e policisë:
Elbasan/ Informacion paraprak
Në lagjen “5 Maji”, Elbasan, në rrugë është gjetur pa shenja jete shtetasi R.S., 50 vjeç, nga këqyrja e kufomës nuk janë konstatuar shenja dhune dhe nga hetimet paraprake dyshohet se vdekja ka ardhur nga një arrest kardiak.
Grupi hetimor po vijon punën për dokumentimin e plotë të rrethanave të ngjarjes.
