Protesta e opozitës nis me hedhje motolovi, Bashkia e Tiranës përfshihet nga tymi! Nuk mungojnë as vezët

0

Ka nisur me tensione protesta e sotme e “Rithemelimit” para godinës së bashkisë Tiranë.

Protestuesit kanë hedhur bomba molotov drejt godinës, duke shkaktuar zjarr dhe tym. Ndërkohë, godina është rrethuar si zakonisht nga kordoni i policisë. Forcat e policisë kanë marrë masa të forta dhe janë në përpjekje për të ruajtur rendin dhe sigurinë. Po ashtu, as këtë herë nuk ka munguar hedhja e vezëve në drejtim të bashkisë.

Në kuadër të masave, blutë e Tiranës njoftuan dje se do të ketë bllokim të përkohshëm të qarkullimit të mjeteve në bulevardin kryesor.

 

Njoftimi i policisë:

Policia e Shtetit bën me dije se, ka marrë masa organizative dhe operacionale për garantimin e rendit publik dhe sigurisë gjatë zhvillimit të një tubimi të kërkuar nga “Aleanca për Mbrojtjen e Teatrit”, ditën e nesërme, më datë 14 maj 2024, ora 10:00, pranë Bashkisë së Tiranës. Në zbatim të planit të masave, Policia e Shtetit njofton se, ditën e nesërme, prej orës 09:30 e në vijim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës. Për këtë arsye sugjerojmë që të përdoren rrugë alternative, deri në përfundim të tubimit, si Unaza e Mesme dhe Unaza e Madhe.

Gjatë disa tubimeve të mëparshme, të zhvilluara nga Aleanca për Mbrojtjen e Teatrit, në sheshin para Bashkisë Tiranë, janë evidentuar raste të përsëritura të kundërshtimit të forcave të policisë, përdorimit dhe hedhjes së molotovëve e sendeve të tjera, në drejtim të Bashkisë Tiranë, duke rrezikuar seriozisht jetën dhe shëndetin e punonjësve të policisë dhe vetë pjesëmarrësve në tubime.

Drejtoria Vendore e Policisë Tiranë respekton plotësisht të drejtën e qytetarëve për të organizuar dhe marrë pjesë në tubime paqësore. Policia u përsërit thirrjen organizatorëve, drejtuesve dhe pjesëmarrësve në tubime për të respektuar ligjin dhe për t’u distancuar nga çdo akt dhune.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu