Kryeministri Edi Rama përpos konferencave në media dhe postimeve në rrjetet sociale ka gjetur kohë edhe për të debatuar me komentuesit në faqen e tij në Facebook që i janë kthyer për problemet që i shqetësojnë në këtë kohë pandemie, por edhe shqetësimeve nga procesi i rindërtimit.
Një prej komentuesve i ka kujtuar kreut të qeverisë thirrjet e disa fëmijëve “Rama ik” gjatë një inspektimi që bëri, por kryeministri i është përgjigjur qytetarit duke i thënë se një gjë e tillë e kënaq dhe argëton, ndërsa nuk ka lënë pa shigjetuar PD-në.
