Momenti i shumëpritur i fansave të serialit korean “Squid Game” ka ardhur.
Netflix ka zbuluar ditën e sotme kastin e aktorëve të sezonit të dytë, të serialit koreano-jugor që regjistroi shikeshmëri rekord. Duke bërë rikthimin e tij të shumëpritur, thrilleri i mbijetesës do të shohë rikthimin e katër personazheve origjinale nga seria e tij e parë.
Pas vendosjes së rikthimit të tij në fund të serisë së parë, personazhi kryesor Lee Jung-jae do të riprodhojë rolin e tij të Gi-hun, i vendosur të bëjë që njerëzit përgjegjës të paguajnë për ‘mizoritë’ e tyre. Krahas tij, të kthyerit e sezonit të parë do të përfshijnë Front Man (Lee Byung-hun), udhëheqësin e stafit të maskuar pas lojës dhe Hwang Jun-ho (Wi Ha-jun), një detektiv që futet fshehurazi në lojë në kërkim të vëllait të tij.
Krijuesi i Squid Game, Hwang Dong-hyuk gjithashtu do të rikthehet si producent drejtor dhe ekzekutiv i sezonit të dytë të serialit, për shkak të fillimit të prodhimit më vonë këtë vit.
Aktorët e rinj që i bashkohen lojës janë Yim Si-wan, Kang Ha-Neul, Park Sung-hoon dhe Yang Dong-geun.
Për datën e publikimit të sezonit të dytë megjithatë do duhet të presim dhe pak, pasi ende nuk ka asgjë zyrtare.
