Konferencë shtypi surprizë e Kristiano Ronaldos, i cili nga grumbullimi me Portugalinë në Katar ka ngritur zërin: “Mjaft i pyetët për mua shokët e mi të skuadrës, bëni vetëm pyetje për Botërorin. Jam në provën e plumbit, kam një xhup çeliku në trup.
Me Bruno Fernandes po bëja shaka, erdhi me vonesë dhe i thashë se mos kishte udhëtuar me anije. E njëjta gjë edhe me Kanselon, ishte pak i mërzitur dhe u mundova ta sillja në humor”.
Gazetarët në Katar e kanë pyetur Ronaldon edhe për intervistën, ku ai kritikon Mançester Junajtid. Portugezi është përgjigjur: “Flas kur dua unë të flas. Ndonjëherë shkruani të vërteta, ndonjëherë gënjeshtra. Por të gjithë e dinë kush jam dhe në çfarë besoj”.
Më pas u fol për Botërorin dhe dualizmin e përjetshëm me Mesin. Ronaldo u pyet, nëse fitimi i Kupës së Botës do të mbyllte përfundimisht debatin se kush nga të dy është më i forti.
“Edhe nëse e fitoj Kupën e Botës, ky debat do të vazhdojë. Disa personave u pëlqej më shumë, disa të tjerëve më pak. Ata më motivojnë, jo paratë. Është pak si ajo që ndodh në jetën e përditshme të të gjithëve: ka që preferojnë biondet, ka që preferojnë brunet… Besoj se mund të fitojmë, por duhet të mendojmë ndeshje pas ndeshjeje, duke nisur nga Gana”, – tha CR7.
Portugezi theksoi se ndihet mirë fizikisht dhe mendërisht: “Do të surprizohesha, nëse tregoj diçka 37 vjeç e 8 muaj, pas gjithë asaj që kam bërë dhe fituar. Të fitoj Botërorin është një ëndërr, por edhe nëse nuk ndodh, jam krenar për atë që kam bërë në karrierë.
