Këngëtarja e mirënjohur e muzikës popullore, Maja si rrallëherë ka folur për jetën e saj, por edhe për politikën.
Maja e ftuar në “Expuls” është pyetur nga gazetari nëse e ka menduar veten ndonjëherë pjesë të politikës.
“Në jemi në një farë mënyre pjesë e saj. Në Shqipëri politika është shumë direkte, në gjermani njerëzit nuk flasin për politikë. Je i ndikuar nga partitë, ne tani po mësohemi me pluralizmin. Duke qenë dhe vend i vogël, ti ndikohesh. Unë nuk e shikoj fare. Miqte e mi kanë bindje politike, këtu shihet ende Partia Socialiste si komunizëm. Nuk ka lidhje, njerëzit i kanë në kokën e tyre, nuk janë në realitet. Është emër si socialstë në gjithë botën. As veprimet nuk kanë lidhje me komunizmin, s’ka lidhje. Komunizmi është tjetër gjë dhe PS tjetër gjë. Janë thjeshtë emra partish”- u shpreh ajo.
Më tej gazetari e ka ngacmuar duke thënë se përgjigja e saj kuptohej, pasi Maja është nga Vlora.
“Ne jemi patriotë. Shquhemi, e duam Vlorën. Unë di të them qe Vlora ka ndryshuar shumë, dhe unë jam shumë e lumtur. Kush nuk ka sy e kush nuk ka dritë t’a pranojë, nuk e pranon. Natyrisht duhen përkrahur me patjetër sepse kanë bërë gjëra të bukura”-u shpreh ajo.
Ndërsa sa i përket faktit nëse do votojë Partinë Socialste, ajo tha se do e votonte me dëshirë por nuk mundet pasi është nënshtetsase gjermane.
“Nuk kam çfarë t’i kërkoj shtetit si mbëshetje si artiste unë, kur nuk paguaj taksa”- tha ajo ndër të tjera.
