Ka shpërthyer një sasi lëndë plasëse para banesës së shefit të krimeve Pëllumb Shpati në Shkodër rreth orës 03:50 të mëngjesit të sotëm.
Si pasojë e ngjarjes janë shkaktuar dëmtime të lehta në banesën e tij, si dhe është dëmtuar automjeti.
Njoftimi i Policisë:
Rreth orës 03:50, në lagjen Dobraç, ka shpërthyer një sasi lënde plasëse, përpara banesës së shtetasit P. Sh., me detyrë shef i Seksionit për Hetimin e Krimeve, në Komisariatin e Policisë Shkodër.
Si pasojë janë shkaktuar dëmtime të lehta në banesën e tij, si dhe është dëmtuar automjeti i tij.
Grupi i posaçëm hetimor i ngritur për zbardhjen e kësaj ngjarjeje, nga veprimet e para hetimore, ka siguruar prova që do të çojnë në identifikimin dhe kapjen e autorit/ëve.
Nën drejtimin e Prokurorisë pranë Gjykatës së Rrethit Gjyqësor Shkodër, vijon puna për zbardhjen e rrethanave të kësaj ngjarjeje.
