Miss India Harnaaz Sandhu, u kurororëzua si Miss Universe. Modelja fitoi titullin në natën finale që u mbajt mbrëmë në ‘’Universe Arena’’ në Izrael . Harnaaz është bërë indiania e tretë që fiton këtë titull pas Sushmita Sen dhe Lara Dutta qe fituan titullin përkatësisht në 1994 dhe 2000. Harnaaz i ka rikthyer titullin vendit pas 21 vitesh.
Në fjalimin e saj gjatë konkursit, Sandhu u kërkoi të rinjve të dinë se janë të veçantë dhe kjo është ajo që i bën të bukur.
“Kam besuar në veten time dhe kjo është arsyeja pse po qëndroj këtu sot”, tha ajo, nën duartrokitje të forta nga publiku.
Konkursi u drejtua nga komediani Steve Harvey, i cili vendosi të pyeste Sandhun: “Dëgjoj se po bëni disa imitime mjaft të mira të kafshëve, le të dëgjojmë më të mirën tuaj”. Ai më pas u kritikua në internet për veçimin e saj me këtë pyetje të papërshtatshme.
“O zot, Steve, nuk e prisja ta bëja këtë në skenën botërore. Më duhet ta bëj këtë, nuk kam zgjidhje tjetër. Mbani veten të gjithë”, tha ajo e habitur, përpara se të demonstronte disa tinguj.
Në një moment të mëvonshëm pyetjesh dhe përgjigjesh, kur Sandhu kishte arritur në top 5 finalistet, ajo shfrytëzoi rastin për të përhapur gjithastu një mesazh mbi ndryshimin e klimës.
“Kjo është koha për të ndërmarrë veprime dhe për të folur më pak. Të parandalosh dhe të mbrosh është më mirë se të pendohesh dhe të riparosh”, tha ajo.
80 vajza nga e gjithë bota konkurruan për kurorën në konkursin që u mbajt në qytetin turistik të Eilat. Nadia Ferreira e Paraguait dhe Lalela Msëane e Afrikës së Jugut ishin nënkampionet e para dhe të dyta, respektivisht. Konkursi bëri bashkë të gjithë përfaqësueset e bukurisë nga çdo shtet i botës, mes tyre dhe Shqipërisë e cila u përfaqësua nga Ina Dajci, dhe Kosovës që u përfaqësua nga Tuti Sejdiu, fituese të ‘’Miss Univeres Albania.’’
