“Me shifrat aktuale nuk parashikohet mbyllja e shkollave”. Kështu deklaroi zv.ministrja e Shëndetësisë Mira Rakacolli.
Duke u nisur nga situata epidemike, Rakacolli u pyet nga gazetarët ëse do të ketë mbyllje të shkollave, ndërkohë që për universitetet u mor vendimi të shtyhet hapja.
Zv.ministrja deklaroi se me shifrat aktuale nuk parashikohet të ketë një mbyllje të shkollave. Sipas saj kjo do të ndodhë vetëm nëse rriten shifrat.
“Nuk ka ndonjë ndryshim të rëndësishëm që hapja e shkollave të ketë pasur rëndim të shifrave. Ajo që komiteti vlerëson është mirëqënia në përgjithësi e fëmijëve dhe është edhe orientimi që jepet nga OBSH. Në shifrat që jemi tani që vazhdojnë të mbeten në nivel të qëndrueshëm, nuk e diskutojmë për momentin sot. Siç kemi parë shifrat edhe ndryshojnë. Nëse do të ndryshojnë dhe do të jenë brenda numrave që kërkojnë masë të tillë. Por shifrat të jenë të qëndrueshme dhe e kemi parasysh mirëqenien e fëmijëve”, deklaroi Rakacolli në konferencën për shtyp të Komitetit Teknik.
