Ditën e sotme pritet të mblidhet Kuvendi. Deputetët dhe ministrat do të mbildhen në orën 10:00 në sallën plenare për të diskutuar dhe miratuar disa projektligje që janë në rend të ditës.
Në fokus do të jetë edhe diskutimi dhe votimi i projektligjit që parashikon rritje të pagave për Presidentin, kryeministrin, ministrat, deputetët dhe nëpunësit e administratës publike.
Po ashtu do të diskutohet edhe për statusin e prokurorëve dhe gjyqtarëve në Shqipëri.
Kujtojmë se para disa ditësh mazhoranca dhe opozita ranë në një mendje për të rritur pagat e deputetëve, ministrave, kryeministrit dhe kryetares së Kuvendit, në mënyrë të ndjeshme, për të mos thënë duke i dyfishuar.
Pagat do të rriten gjate këtij viti dhe vitit të ardhshëm, ku parashikohet qe rroga mesatare te arrije ne 900 euro.
Bashke me administratën do te rriten dhe pagat e deputeteve dhe ministrave, behet fjale gati për dyfishimin e tyre. Mazhoranca dhe opozita bashkuan votat ne komision për rritjen e tyre. Reforma ka një kosto totale prej 39 miliard lekësh. Kryeministri ka argumentuar se ajo është e nevojshme ne kushtet e emigrimit të fuqisë punëtore si dhe për t’i bërë pagat me konkurruese me vendet e rajonit.
