Një stuhi e fuqishme shiu dhe breshëri kanë përfshirë sot në mesditë Elbasanin dhe periferitë e tij.
Reshjet janë shoqëruar me shkarkesa të forta rrufeshë.
Si pasojë e këtyre reshjeve uji ka vërshuar në rrugët e qytetit duke vështirësuar qarkullimin e mjeteve dhe këmbësorëve.
Gjithashtu raportohet se stuhia ka shkaktuar dëme të mëdha në kulturat bujqësore, si gruri, të mbjella të stinës në perime dhe dru-frutorë.
Vetëm gjatë ditës së sotme, u raportua se nga rrufetë ngordhën 250 kokë bagëti.