Dy persona u vranë dhe një tjetër u plagos nga të shtënat në qytetin zviceran të Sion të hënën, njofton policia
Një ngjarje e rëndë ka ndodhur në Sion, Zvicër, ku si pasojë e një sulmi me armë, dy persona kanë humbur jetën dhe një tjetër ka mbetur i plagosur.
Policia tha se i dyshuari, i cili nuk është identifikuar, hapi zjarr në dy lokacione të ndryshme në qytetin e Sionit, i cili ka rreth 35,000 banorë.
Sipas autoriteteve, autori i njihte viktimat por nuk dhanë detaje të mëtejshme, duke shtuar se ai mbetet ende i lirë.
Zvicra, një vend me rreth 9 milionë banorë, ka një shkallë të lartë të posedimit të armëve.
Small Arms Survey, një organizatë me bazë në Zvicër që monitoron tendencat globale të dhunës së armatosur, vlerëson numrin e armëve të zjarrit në posedim të civilëve në 2.3 milionë.