Një mjet i tonazhit të rëndë që është përfshirë në një aksident në aksin Përrenjas-Librazhd ka shkaktuar radhë të gjata në njërin aks.
Ky është aksidenti i dytë brenda pak orësh në këtë zonë, por fatmirësisht pa dëme në njerëz.
Një mjet i tonazhit të rëndë ka humbur drejtimin e lëvizjes dhe për pasojë ka dalë jashtë rruge. Për një kohë të gjatë njëra korsi e segmentit të rrugës kombëtare Përrenjas-Qukës ka qenë e pakalueshme dhe policia rrugore e ka pasur të vështirë të disiplinojë qarkullimin e dendur të automjeteve ndërsa radha përkohësisht ka shkuar të paktën 2km.
Po gjatë mëngjesit të kësaj të Hënë në këtë aks rrugor në një aksident mbetën të plagosur 6 persona.
