Reperi amerikan, Kanye West ka deklaruar se në vitin 2024 do të kandidojë për postin e Presidentit të Shteteve të Bashkuara të Amerikës.
Reperi, i cili tani është zhytur në një polemikë antisemitiste, shpalli fushatën e tij për president të Shteteve të Bashkuara edhe në vitin 2020. Sipas Mirror, ai zbuloi planet e tij në një video të shpërndarë në Twitter, ku tha se komentatori i ekstremit të djathtë Milo Yiannopoulos po mbështeste kandidaturën e tij.
Në klip, Kanye pretendon se ish-redaktori i Breitbart News tashmë ka nisur punën për planet që ai ka shpalosur.
“Ky është Milo këtu, duke punuar në fushatë,” tha Kanye.
“Unë mendoj se është,” u përgjigj Milo përpara se të shtonte, “Faleminderit, e pranoj.”
Më pas kameramani e pyeti Kanye-n, “Pra, do garoni?” të cilës Kanye iu përgjigj: “Po”.
Videoja, në të cilën West thotë se Yiannopoulos po punon në fushatën e tij, vjen pasi llogaria e reperit në Twitter u riaktivizua pasi ai u ndalua nga aplikacioni për shkak të komenteve antisemitike.
Edhe më herët reperi ka shprehur dëshirën për të kandiduar, por kurë nuk ka arritur kaq afër bërjes realitet të saj.