150 pasagjerë rezultuan pozitivë me Covid-19 pas një testi të kryer në anijen turistike MSC Grandiosa, në të cilën udhëtonin rreth 5 mijë persona. Kroçera u nis në portin e Xhenovas dhe sipas medieve italiane, pothuajse të gjithë pasagjerët që janë infektuar deri më tani janë asimptomatikë.
Pasagjerët italianë do të transportohen me shpenzimet e kompanisë së anijeve në shtëpitë e tyre, ku do të qëndrojnë të izoluar deri sa të shërohen nga virusi. Ndërkohë, pasagjerët e huaj do të karantinohen në një shtëpi të moshuarish në Xhenova dhe në zonën e madhe të Torinos.
Përpara se anija e lundrimit të niset për udhëtimin e saj të ri, do të bëhet dezinfektim i kujdesshëm brenda MSC Grandiosa.
Marrë nga ansa.it