Janë arrestuar dy të mitur, të cilët pas një mosmarrëveshje me një 60-vjeçar e kishin goditur me mjet të mprehtë (thikë), ku si pasojë e goditjeve viktima ka ndërruar jetë në Spitalin Rajonal të Pejës.
Sipas raportit të Policisë së Kosovës, rasti ka ndodhur të premten rreth orës 13:00 në rrugën “Hysen Hykaj”, në Vitomiricë të Pejës.
Siç thuhet në raport, në vendin e ngjarjes kanë dalë njësitë përkatëse policore si dhe prokurorit i shtetit.
“Janë arrestuar dy të të mitur pasi që pas një mosmarrëveshje me viktimën 60 vjeçar e kishin goditur me mjet të mprehtë, thikë. Si pasojë e goditjeve me thikë, viktima ka ndërruar jetë në Spitalin Rajonal në Pejë. Në vendin e ngjarjes kanë dalë njësitë përkatëse policore si dhe prokurorit i shtetit”, thuhet në raport.
Ndërkaq, sipas raportit me vendim të prokurorit kujdestar, të dyshuarve iu është caktuar masa e ndalimit policor për 24 orë.
, ku si pasojë e){kind=link}