Nicki Minaj mesa duket është arrestuar në Amsterdam ditën e sotme pasi akuzohet se kishte me vete drogë. Një zyrtar tha se ata donin të merrnin në paraburgim reperen “Bang Bang” për drogë, tregohej në video.
“Unë nuk do të hyj atje. Më duhet një avokat prezent”, u përgjigj 41-vjeçarja.
Oficeri përmendi gjithashtu koncertin e saj të planifikuar për të shtunën mbrëma në Mançester, Angli, dhe tha se ata do të “përpiqen ta çojnë [atë] atje” sa më shpejt të jetë e mundur.
“Oh, pra, unë jam e arrestuar?” Minaj e pyeti, ndërsa oficerë të shumtë i kërkuan vazhdimisht që të ndalonte filmimin.
Në një video të dytë, Minaj dukej e ulur brenda një automjeti ndërsa fliste me një burrë me uniformë për planet për të kaluar nëpër të gjitha çantat e saj.
“Pse nuk e kërkuat para se të shkonin në aeroplan?” pyeti ajo.
Burri ngriti supet dhe tha se oficeri i mëparshëm dyshonte se ylli i repit po mbante drogë dhe u mërzit që ajo e kishte filmuar atë.
