Një tërmet i fortë me magnitudë 4.5 të shkallës Rihter ka tronditur Greqinë ditën e sotme rreth orës 16:58 (sipas orës lokale). Mësohet se epiqendra ishte 15 km nga qyteti Nafpaktos ndërsa thellësia e lëkundjeve ishte 12.7 km.
Sipas drejtorit të Institutit Gjeodinamik Akis Tselenti, tërmeti u ndje edhe në Patras, ndërsa është raportuar për disa dëme në zonë, por nuk ka asnjë të lënduar.
Mediat lokale raportojnë se lëkundjet u ndjenë pasi zgjatën për disa sekonda.