Futbolli italian është tronditur mbrëmjen e djeshme nga një ngjarje e rëndë. Arbitri 33-vjeçar, Daniele De Santis, është vrarë me thikë së bashku me bashkëshorten e tij, Eleonora Manta, nga një person pas një konflikti fizik. Sipas informacioneve, krimi është kryer nga një person, i cili është larguar nga vendngjarja. Të pranishmit janë tronditur nga skena e ndodhur, ndërsa policia ka mbërritur në vendin e ngjarjes dhe po kryen hetimet.
Të dy viktimat janë gjetur në një pallat të goditur me thikë. De Santis arbitronte në Serinë B dhe C, ndërsa kishte debutuar si gjyqtar në vitin 2017. Autori i masakrës është parë teksa largohej dhe është shpallur në kërkim për vrasjen e dyfishtë, ndërkohë që sipas informacioneve të para, krimi mund të ketë si prapaskenë një çështje pasionale mes vrasësit dhe bashkëshortes së arbitrit italian.