U tha se ishin drejt ndarjes, Andi dhe Melisa sqarojnë dyshimet e ndjekësve

0

Melisa dhe Andi kanë qenë një nga dyshet më të përfolura pas daljes nga “Për’puthen”. Vetëm pas shumë thashethemeve ata vendosën të pranonin hapur lidhjen e tyre me një puthje pasionante në këngën e Melisës “Leje”. Që nga momenti që kanë bërë lidhjen publike ata të dy shfaqen kudo bashkë dhe madje kanë treguar se kanë një lidhje shumë të fortë. Mirëpo vetëm një shprehje e publikuar sot nga Melisa i ka bërë të gjithë të dyshojnë se ata mund t’i kenë dhënë fund lidhjes së tyre.

Melisa ka postuar në Instagram një thënie ku shkruhet se duhet ta pranosh se je i vetëm në botë dhe se mund të mbështetesh vetëm tek vetja për çdo gjë. Këto fjalë i bënë fansat të dyshonin se Andi mund t’i kishte thyer zemrën Melisës e se shprehja i dedikohej pikërisht atij.

Por ata i kanë hedhur menjëherë poshtë këto zëra dhe kanë treguar se çdo gjë mes tyre po shkon më së miri. Andi ka postuar në Instagram një foto me Melisën dhe i ka bërë një dedikim shumë romantik.

“As vdekja nuk mund të ndajë”, ka shkruar ai përkrah fotos.

Po ashtu Melisa i është përgjigjur në komente me një mesazh.

“Foto pasaporte për Amel kjo. Deri në përjetësi zemër”, shkruan Melisa.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu