AZERBAJXHAN- Republika e vetëshpallur e Nagorno-Karabakut nuk do të ekzistojë duke nisur nga viti i ardhshëm pasi udhëheqësi i saj nënshkroi një dekret për shpërbërjen e institucioneve shtetërore pas disfatës së saj nga Azerbajxhani .
Fitorja e Azerbajxhanit javën e kaluar shkaktoi një largim të madh të armenëve etnikë që jetonin në Nagorno-Karabakh dhe shënoi fundin e dekadave të konfliktit, dhe potencialisht fundin e prezencës shekullore armene në rajon. Dekreti i Presidentit Samvel Shahramanyan u bëri thirrje të gjitha institucioneve dhe organizatave të Republikës së Artsakh, e cila nuk njihet ndërkombëtarisht, të shpërndahen nga 1 janari 2024. “Republika e Nagorno-Karabakh (Artsakh) pushon ekzistencën e saj”, thuhet në dekret, raporton CNN.
Azerbajxhani rimori kontrollin e rajonit të shkëputur javën e kaluar pas një ofensive që zgjati vetëm 24 orë. Nagorno-Karabakh shtrihet brenda kufijve të Azerbajxhanit, por për dekada ka operuar në mënyrë autonome me një qeveri të saj.
Azerbajxhani ka qenë prej kohësh i qartë për zgjedhjet të cilat ju ka paraqitur armenëve të Karabakut: Qëndroni dhe pranoni nënshtetësinë Azerbajxhane ose largohuni. Shumica e popullsisë tashmë ka votuar me këmbët e saj: Dhjetëra mijëra janë larguar nga shtëpia e tyre stërgjyshore në vend që t’i nënshtrohen Azerbajxhanit.
