ELBASAN-Policia në Elbasan është vënë në kërkim të Erjon Llapushit, pasi akuzohet se vrau kryekamarierin në restorantin “Fish City” në qytetin e Elbasanit.
Sot, policia ka zhvilluar një aksion ‘blic’, duke vënë ndjekur një mjet tip ‘Audi’ dhe një ‘Porche’. Dy makinat janë ndaluar në unazën kryesore të këtij qyteti në aksin Elbasan Librazhd , ndërsa mjetet vinin nga Pogradeci.
Policia kishte marrë informacion se në dy automjetet udhëtonte i shumë kërkuari qe i mori jetën kamarierit Gazment Kurmaku, por pas verifikimit rezultoi se ai nuk ndodhej në asnjë nga mjetet.
