Një ngjarje e rëndë është regjistruar në Teksas, SHBA, ku një vajzë 2-vjeçare humbi jetën pasi u përplas nga një taksist.
Sipas videove që qarkullojnë në rrjet, kur taksia arrin në destinacion prindërit ulen brenda makinës por vajzën e lënë jashtë. Në këtë moment, shoferi në padijeni niset të ecë përpara duke shtypur 2-vjeçaren. Prindërit e saj reagojnë të tmerruar, duke dhunuar shoferin.
Incidenti, sipas zyrës së sherifit, ka ndodhur në veri të kontesë Harris të dielën në Teksas. Vajza e vogël u dërgua në spital në gjendje kritike për jetën dhe u shpall i vdekur pak më vonë.
Edhe drejtuesi i mjetit është dërguar në spital me lëndime pas dhunës së pridnërve të 2-vjeçares, por ndodhet jashtë rrezikut për jetën. Deri më tani nuk është ngritur asnjë akuzë dhe nuk është arrestuar për aksidentin. Policia po heton ngjarjen, përfshirë edhe sulmin.
Një fqinj që është dëshmitar okular tha se ai u përpoq ta shpëtonte ndërsa nxitoi dhe e futi vajzën e vogël në makinën e tij për ta çuar në spital. Kamera e një fqinji kapi video që tregon përplasjen, teksa vajza e vogël ishte fiksuar nën gomën e pasme të majtë.
