Fituesi i “Big Brother Albania”, Vesel Kurtishaj, ishte mbrëmjen e kaluar i ftuar në emisionin “Wazzup”, ku është përballur me një situatë të sikletshme.
Gjatë intervistës atij iu kërkua nga prezantuesi i emisionit të ngrihej për të luajtur një lojë si pjesë e programit. Teksa Veseli iu bashkua lojës, u vu re se nisi të ecte me vështirësi. Në një moment, ai fshiu sytë dhe u rrëzua papritmas pa ndjenja në tokë.
Ai humbi ndjenjat për disa minuta duke shqetësuar të pramishmit dhe telespaktatorët. Reagimi i stafit të emisionit ishte i shpejtë ndërsa transmetimi live u ndërpre menjëherë.
Pasi i ka merakosur të gjithë, Veseli ka reaguar në rrjete sociale duke treguar gjendjen e tij shëndetësore.
Ai ka sqaruar se tashmë është mirë dhe kishte pasur vetëm një moment dobësie.
Kështu, ai ka qetësuar të gjithë miqtë, familjarët dhe teleshikuesit që kanë ndjekur emisionin dhe me të drejtë janë merakosur pas skenës që kanë parë.
I urojmë të kaluara ish konkurrentit fitues të “Big Brother Albania”!